张曦雯Staycation晒素颜床照 与爱犬玩瑜伽乐翻了

张曦雯快要投入拍剧集《白色强人2》，趁开工前夕，张曦雯带埋爱犬玩Staycation ，疫症爆发八个月，就足足八个月少出门多留家。屋企门口都唔多敢行出去，更何况坐飞机出埠呢？一向爱犬如命的张曦雯，去玩当然预埋囡囡Nala齐齐玩，还表演亲子瑜伽！

潮兴Staycation，张曦雯都唔例外为自己叉叉电，香港人想放个假，酒店想减少空置率，近日香港时兴Staycation！除咗入酒店Staycation开P庆祝生日、筹备求婚之外，八姨太觉得最开心系唔少酒店接受宠物入住，咁就啱晒啲想出去玩、又唔舍得放低主子慨狗奴啦！

平时忙开工周围飞，有时焗住放低屋企爱犬。 趁住呢个疫情时兴staycation，张曦雯就特登book 番晚酒店带埋Nala 一齐度假。平时忙开工周围飞，有时焗住放低屋企爱犬。趁住呢个疫情时兴Staycation，张曦雯就特登book番晚酒店带埋Nala一齐度假。

三年前养咗只柴犬Nala 慨女神张曦雯(Kelly) 日前就book 咗酒店玩Staycation，带埋Nala享受呢个服务。边个话酒店房地方细又 屈质㗎？爱狗如命慨Kelly 就专登book咗间大房，有厅有房有海景仲有阔落空间，住足两日一夜同Nala 又high tea、又滚床单、仲做埋瑜伽，全程唔使出门口都唔会闷。至于拍拖两年半慨男朋友MarkBrunyez 有冇跟埋去Kelly 就冇讲，不过目测去到边都揽住狗狗，但就有专人负责揸机影相，睇怕Mark 至系电灯胆，唔怪得之网友留言都话Nala 好命啦！

为咗令Nala 觉得宾至如归放假放得尽兴，Kelly 准备埋狗蛋糕畀Nala 独食。

相中可见，酒店房有厅有房空间感十足，仲有大大个厅可以放地毡玩瑜伽，Kelly 有得做运动而Nala都可以舒展筋骨。

张曦雯同男友Mark 同居于北角半山豪宅，跟一猫一狗一家四口住得好舒适，只是近月未能出埠，潮兴Staycation，张曦雯都潮埋一份。最近张曦雯贴相为健康食品作介绍，连其家居都曝光，走简约温馨风，背后暖色皮梳化上全是毛毛咕