张韦怡入行12年未能上位 奉子成婚做少奶爆豪宅

 戏如人生，有阵时又未必人生如戏。好似张韦怡咁，入行十二年一直做妹仔、师奶、sales 妹、护士仔等四线角色，演艺事业未有长进过，不过现实中晨早身家已经暴涨何止十倍！

张韦怡由早年初入行住几百呎旺角蜗居，到带埋父母搬去九龙城千呎唐楼，至14年奉子成婚嫁畀经营家族生意慨Michael Poon 后，即刻飞上枝头，由九龙城搬到九龙塘，讲紧屋企已经有八千呎面积、五层楼连私家、养住五个工人加两个司机加一个看护，生活豪过晒全台当家花旦！

2014年同阔少Michael Poon奉子成婚，飞上枝头慨张韦怡尽享少奶奶生活。

做女嗰阵时已经养咗两只宝贝哥基，如今爱犬剩番一只又年事已高，搬咗新屋都见张韦怡成日揽住爱犬。

对住维港靓景再晒埋新手袋同两大叠现金，潘太自称呢个系旺财风水阵，又意有所指话钱系向世界搵，不是觊觎家财不是刻薄家人喎。

去年中同姑仔喺社交平台互相数臭，张韦怡闹姑仔险毒又无聊，姑仔就话张韦怡贪钱心地差，好彩最后都有老公支持呵番，张韦怡继续晒表晒袋晒恩爱，住厌咗九龙塘八千呎巨宅最近仲搬埋屋转吓新环境。今次冇私家冇几层楼，实用空间睇落都细咗，不过又云石又假天花又有贵价家俬，酒店式装修绝对落重本，重点系居高临下落地玻璃对住个无敌维港靓海景，呢样嘢又的确系八千呎九龙塘巨宅畀唔到渠！

厨房一角用料讲究，不过重点都系老公下厨锡到燶，证明同姑仔一场口水骂战自己至系赢家。

十一月已经开始布置紧圣诞，个厅大到圣诞树都要摆两棵，不过再多布置都被无敌夜景抢晒focus。

大厅景致无敌，潘太仲好有心思整埋超大软垫窗台，闲时孖囝囝一齐叹靓景。

囝囝Ashton 刚刚喺新屋过其六岁生日，张韦怡好感慨，话囝囝五岁呢一年，妈妈被人攻击、又血崩流产差点丧命。

睡房豪装到好似五星级酒店一样，两母子由厅玩到入房，又由房玩到出厅。