香港娱乐圈不老型男男神盘点

香港娱乐圈中美魔女、不老女神好几个，其实男神们又何尝唔系食咗防腐剂一样唔止冇老过，仲愈老愈有型愈有味道？以下几位男星个个由细睇到大，当我们毕业了、工作了、结婚了、生子了自认老了，点解渠哋仲系同做仔时一样冇走过样？

刘德华59岁

男神首位，不得不提九月至过了最后一个五字头生日慨刘德华。一向出名爱锡歌迷、年年都选择同歌迷同贺牛一，呢一年虽然有疫情肆虐，华仔都贴心敷埋mask、化埋妆、隆重其事唱歌吹蜡烛online同歌迷一齐庆祝。系呀，59岁仲系皮光肉滑身材标准，有乜理由唔系华仔？

梁朝伟58岁 

入行38年，艺训班毕业第一年就做《香城浪子》男主角，再从电视圈跳到电影圈红到今时今日飞去荷李活拍Marvel电影《上气》。虽则早前被路人捕获被指发线上移敌不过岁月，实情近年减产爱上滑板滑浪帆船滑雪和各类运动，朝伟系愈活愈后生愈随意至真！

吴镇宇58岁 

历届带埋儿女参与录影《 爸爸去哪儿》港台明星，吴镇宇应该系最年长一个，46岁做爸爸、52岁带埋囝囝Feynman上节目两父子在全国爆红，Feynman12岁，镇宇都已经58岁。不过论外形、论保养、论活跃度，点睇都唔似就快登六，仲愈老愈型愈有性格。

吴启华56岁 

创造过《 壹号皇庭V 》徐伟杰同《 妙手仁心》程至美等等经典角色，吴启华经历过两段失败婚姻，近年长驻内地努力经商搵钱养起女儿（11岁吴熙儿）同供养前妻石洋子全家，外形依然仲keep到，一啲都唔似56岁。

方中信57岁 

眨吓眼，方中信同莫可欣慨独女符迦晴都已经12岁大，不过57岁方中信横睇掂睇同80年代入行时个样几乎冇分别。反而愈活愈有男人味、愈来愈有态度识享受人生，近年除咗拍戏养家，仲多咗个副业做赛车手。

张耀扬57岁 

那些年的 乌鸦张耀扬14年在北京因涉嫌吸毒及藏有大麻被捕，从此以后生活低调、开始茹素，去年又联同好友莫少聪深入山区探访派钱派物资。最近一次露面系现身内地品牌活动，一头白发一支雪茄，57岁型格至个人巅峰。

杜德伟58岁 

50岁时娶回年纪只有一半的娇妻、54岁老来得子生下儿子AJ，如今的老婆奴兼慈父杜德伟虽然已经58岁，依然有气有力陪囝囝上山下海仲周围飞为头家奔波，实情就嚟六字头，型佬样同三字头时分别不大。

黄子华60岁 

九十年代开始搞栋笃笑并因此成名，有多少人系睇子华神栋笃笑同电视剧长大？一啲都冇夸张，原来三十年过去，子华都已经满60岁，几多忠实粉丝都已经成家立室一把年纪，反而子华神发型身材外貌几乎冇变过。

苗侨伟62岁 

后生靓仔、近年就变型佬，62岁苗侨伟愈老愈有型愈有味道大家都冇异议。最夸张系三哥27岁仔苗俊最近由幕后走到幕前拍摄内裤广告，虽然又fit 又靓仔，网民都系一致表态： 想睇三哥多啲！

任达华65岁 

结婚21年，囡囡任晴佳刚踏入16岁大，1.8米好身材仲有一对大长腿，大有机会继承超模妈妈琦琦衣钵，不过已经年届65岁的任达华依然型佬fit 到漏，仲活力充沛继续拍唔停，刚刚更凭《 澳门人家》获得金鹰奖最佳男演员。

周润发65岁 

仲有民间特首周润发发哥，红足咁多年亦一早去过荷李活闯荡过，近年再次以香港为根据地慨发哥一向豁达、一向贴地、一向与世无争，所以个样都宽容啲亲切啲，虽然已经65岁，不过完全睇唔出。