冯盈盈家有钱吗？请助手认要求超多

冯盈盈近来深受广告客户欢迎，在疫市下不减反加价，据知在社交网出post价高达10万，吸金力直迫广告女王李佳芯。所以冯盈盈好努力经营其社交网，连揸车的时间都都唔浪费，日前在元朗收工，在车程中由新请的女助手协助下开live，冯盈盈边揸车边答网民问题，保住网上人气高企﹗

冯盈盈近来频频开live同网民交流，继早前直播开餐后，日前由元朗收工揸车返归时，冯盈盈亦争取时间，在车内开live，由新请助手读出网民问题，冯盈盈则边揸车边回答，不少网民对冯盈盈近来请了助手相当关心，不少网民对助手平日的工作相当感兴趣，冯盈盈即一轮嘴话：我助手好多嘢做㗎，好似依家咁要开live啦，平日我开工好需要助手照顾我，例如补妆啦、化咗妆饮嘢要用饮管啦，所以渠随身要有粉饼、唇膏、镜、牙签、饮管，仲有纸巾呀，平时尿袋要叉足电，仲有我啲随身物都畀佢keep，好似车匙、电话、剧本等﹗

冯盈盈又指近来出post的靓相都出自助手，指她影得有水准，所以助手要相机随身，帮冯盈盈拍摄生活日常、拍摄花絮，以便她出帖之用，冯盈盈更透露助手相当重要，一定要求助手陪去厕所，原因是她要求助手：要渠帮我拎住个厕所香薰，等我去公厕慨时候，感觉会良好啲慨﹗

有网民指做冯盈盈助手相当不简单，工作量大，问做她助手有乜福利，冯盈盈即笑住对助手话：喇﹗你（对住助手）同我瞓过两晚啦，陪我喺酒店房瞓过两晚啦﹗原来做冯盈盈最大福利是可以陪瞓，相信好多宅男争住抢呢份工﹗

冯盈盈身穿白色短裤，被网民追问唔怕冻？冯盈盈即解释双腿脂肪够所以不怕冷，另外是因为方便换戏服：有时外景换衫地方都比较狭窄，所以着短裤比较方便，她又自爆：仲有就系因为大家见到女艺人啲腿好滑净，系因为化咗妆，咁冇理由对脚化咗妆然后着长裤咪会整甩啲粉啰﹗不过我真系试过未帮对脚落妆上咗床，搞到床单都系粉﹗